الحلم

قاعدة فى حالى وببكى فى خيالى

شفته معدى وظهر لى وحدى

قالى قومى وامسحى أحزانك

الدنيا لسه فيها ابتسامة

بصيت له بخوف ورعب فجأة

لقيت صوته راح مرة واحدة

قلتله فين الأمل فين الفرحة

حاول يقول حاول يعبر

واختفى فى لحظة

حاولت انده عليه

مسمعتش غير صوتى

مشيت فى كل مكان أدور

مفيش غير طريق طويل

قلت جايز أشوفه فيه

مشيت بدور يمين شمال

ملقتش غير ظل وخيال

جريت عليه اكتشفت أنه وهم وكان سراب

قعدت أصرخ أنادى

بكيت ودموعى تجرى

حسيت فجأة بانهيار

قلت لنفسى هو فين

لحظة أمل خطفها الخوف

ظهر لى تانى وقالى اصحى

اوعى تنسى الحب اوعى

عيشى الأمل بكل لحظة حلوة كانت أو حتى مرة

هاتى إيدك وامشى معايا

هتلاقى طريقك بقه كله فرحة

اترددت فكرت مرة

لقتنى وراه وعنيا مغمضة

قالى شايفة قلتله حاسة

قالى ولسة فاضل بس همسة

قلتله مفاضلش غير بسمة

قالى لا ضحكة

فتحت عنيا لقتها دنيا لا دى جنة

راحت الدموع وجت لى الضحكة

قالى افرحى هى دى دنيتك

هدية منى

مصدقتش نفسى وقلبى دق مزقطط

وكنت من الفرحة هاتنطط

قلتله انت مين

قالى ملاك قريب

حارس أمين على فرحة الناس

ومشى وقال بس انتى ملاكى الجميل

ومش هاسيبك لو بعدتى بألف ميل

فرحت وصحيت من حلمى الجميل

وبستنى الليل الطويل

علشان أقابله وأكون وياه